我愛飲茶

最愛大路點心如牛肉叉燒包馬拉糕春卷

也許是心態問題, 總覺得以前的點心比較好吃

特別是馬拉糕, 舊屎的味道幾乎吃不到了

真的不認老不行, 老是記掛著過去的好

記憶像這張照片一樣, 既殘舊又褪色, 卻別有一番味道

愛吃Apple Crumble, 只是很少遇上好吃的

相片中這個AC, 已經忘記了在哪間店買

只記得樣子比真實好吃, 可惜啊......

1. 生活無聊, 無事可記
2. 無事忙, 無時間寫
3. 反正無人睇, 無動力寫

事實上, 生活已被女兒完全佔據, 連喘一口氣的空間都沒有, 還寫乜鬼blog呢? 有時間都不如訓下好過.

曾經聽人說過, 生兒育女之後, '我的人生已經完結了'. 那時候以為是說笑, 原來是真的. 個人地位如港股一般掉落至無法想像的新低點. 去街買衫買鞋買東西, 通通都是BB的, 自己一丁點兒都沒有, 也著實沒有興趣去為自己買點甚麼. 終於領悟到為何人類不會絕種, 因為強大的生物本能令我們心甘情願地把所有一切都花在下一代身上. 這種思想, 那些未曾身為人父母的實在無法想像. 老實說, 連我自己也無法想像我竟會變成這樣.

就這樣, 這個blog就長期處於一個半荒廢的狀態, 展望在未來仍然會繼續.......

匯豐由百位跌到$88.

資產貶值約50%.

呢個金融海嘯, 真利害.

見底未呢下...... 

試問一下, 敬老之餘竟要查人家宅, 認真荒謬之極. 正如我買包橙上你屋企, 遞比你之前問: 你有無錢開飯先? 無至準食喎! 

黐Q線!

點解唔索性取消咗佢, 叫所有有需要的長者去申請綜援? 重慳錢啦!

一千呅, 養老金? 慳D啦!  點解有錢請果班無Q用的褲局長? 無錢比老人家買生果呢?

不如咁呀, 橫豎班老野都無Q用, 浪費社會資源, 不如人道毀滅哂佢地啦~ 

個人覺得最精采的是這個(i.e.原版為 '脉动'):

真的笑爆我了~ XDDDD

我這種買東西經常看都不看就付款的人, 也許不適合在大陸生存啊~

故想轉看<神探伽利略>

好吧,我承認好了.

其實我喜歡福山雅治.

詳情:
想飲高蛋白質三聚氰胺奶粉嗎？
毒奶粉和做人不要太CCTV

'來生不做中國人', 原來是這樣的意思.

我只談我所記得的, 名字也記不起的候選人就算了罷.

1. 張超雄, 律師黨: Sorry, 我對偏激社工無好感, 對這個黨的牆頭表現也失望.

2. 李永達, 白鴿黨: 本來無乜認識, 聽說佢日前為反對青衣起十號碼頭而跳海, 又覺得佢幾有誠意 XD . 再上網睇下, 都見佢幾勤力呀...但我唔明白佢身為黨主席, 今次部處點解可以差成咁呢? 令人極度懷疑其能力.

3. 李卓人, 工盟: 對社會主義者興趣不大, 加上我記得佢曾經幫大陸人爭取居港權(之類), 道不同不相為謀.

4. 陳偉業, 長毛黨: 上網睇才知道佢都幾關注保育, 考慮下啦......但我一向很反對太多福利給予基層, 所以都唔知點好.

5. 何傻仁, 白鴿黨: 同2, 對白鴿黨有點fed up...

6. 梁耀忠, 街工:  佢做乜架?

唉, 諗完一輪結果都係唔知投比邊個好, 如果長毛係度就好啦.......

2. 其實後來睇番, 其實個開幕禮都有小小悶 :P

3. 豪花130三千億, 得番51塊金牌, 值唔值得真係見人見志. 我就覺得有D好大喜功囉......

4. 終於可以睇番明珠台D劇集, 最愛看的HOUSE又有得睇了, 好野!

5. 每日都覺得好累, 老啦~

6. 無乜題材寫BLOG, 唔知幾時摺埋呢......?

次次打風, 心情都好興奮, 今次唔知點解, 有D驚.

買定公仔麵廚師腸, 薯片花生等睇奧運好了(希望不要吹東南風, 唔係嘈到唔駛訓). 

今天不慎在橫街一間新開張的食店買了一個有生以來吃過最難吃的白汁焗海鮮飯. 我很有興趣知道那位所謂廚師是如何造出一盒足以鬼哭神號的飯:

1. 雖然我在門外等了超過十分鐘, 但盒飯是暖的, 究竟在那10分鐘之內發生甚麼甚麼事情? 或是我誤會了, 所謂 '焗飯' 並非用焗爐, 而是用膠袋?

2. 所有飯內的物體(包括疑似蝦仁,疑似魷魚及疑似魚塊)都是淡如無味的, 像在水中浸了超過48小時的浮屍, 軟軟的, 顏色曖昧的, 他媽的味道有如嚼擦子膠般的物體, 在飯盒內.

3. 疑似蝦仁除了無味之外, 每隻均有一條真正的蝦腸在內(蝦屎呀!).

4. 例湯例唔緊要, 可唔可以唔好有層油響湯面啊?

這樣的一個飯盒, 盛惠$26喎! 因為肚餓, 勉強吃了一半.

每次吃過難吃的食物之後, 心情都會變差. 現在心情可謂極度惡劣, 甚至要利用寶貴的食飯時間來打這篇文洩憤.......

上次跟消防員接觸, 是因為家中的大鳥飛走了, 停在後山不肯動彈. 愛護動物協會的職員也無計可施, 建議我報警找消防員.  打了電話不消十分鐘,  消防車便到達了.  我誠惶誠恐地道出問題, 一邊在擔心會比人臭罵. 但見他們不以這件小事為意, 很認真的商量著教鳥大計, 還動用了雲梯車, 弄了大半個小時, 結果由其中一名消防員以長梯爬上去, 再用網成功捕捉大鳥, 然後很快便收隊離去了. 我感激之餘無以為報,結果叫了兩個pizza送去消防局. 那名消防隊目(忘了貴姓)還親自打電話給我致謝, 並請我有時間帶著大鳥去參觀他們的消防局哩~

每次在報上讀到有消防員因為救人受傷, 都覺得非常心翳. 昨日在新聞得知在旺角的大火之中, 有兩名消防員- 蕭永方和陳兆龍, 為了救人而英勇殉職.

真是很令人傷感的消息.

願你們安息.  你們的英勇事蹟將長傳人心.

送上鮮花, 一路好走.

哇~正呀~(忍不住要怪叫一下)

本來已知道該片的口啤很好, 但想不到真是如此精采! 兩個半小時的影片全無悶場, 利害! 雖然香港景色未如想像般美, 但從國金一躍而下的Batman, WOW~ 畫面真夠震憾!

(小心! 下文有劇情!)

老實說, 除了'正呀!'之外, 我並不懂得寫影評, 只有以下幾點感想與大家分享:

1. 男主角Christian Bale真係又型又靚仔! 他已正式取代奇諾李維斯成為本人的最新型男偶像.

2. 女主角(星球大戰老公主), 喂! 唔掂喎~ 雖然佢最後......不過......可唔可以搵過省鏡小小的呢?

3. 小丑(Heath Ledger)一如大家所言, 演出真是無懈可擊. 可惜啊......

4. 爆炸場面好勁!

5. 最出人意表場面: 船上犯人一幕, 真係估佢唔到. 不過我覺得現實版應該係班犯人群起搶走個引爆器, 然後極速引爆.

6. 雙面人後尾部份劇情有點點牽強(唔好打頭!). 老實講, 尋仇點搵都搵唔上局長卦? 就算關佢事, 都係間接地關佢事, 有咩理由黐到要殺人全家先得架? 有無咁大仇口啊? 何況佢本身係正常人黎嘛......(不過後來諗番, 有可能係爆炸果幕炸親個腦......anyway......)

7. 陳冠希在哪裏? 聽說只有2.5秒的出場時間, 快到我連他的樣子也看不清楚!

8. 小丑謀略勁過諸葛亮, 成班人被他耍得團團轉. 邊有人咁勁架老實講!

9. 香港係洗黑錢之都, 警方收黑錢, 哈哈哈哈哈!

10. 國金果幕真想睇多次.

未看的記住去IMAX看呀! 別浪費了拍攝人員的心血!

ps. 對於香港的譯名'蝙蝠俠-黑夜之神' 有點意見. 雖然聽落好勁, 但與原本的意思不符. 台灣譯名'黑暗騎士' 才是正路.

ps2: 在眾多海報之中, 這一張最令人不寒而慄, 但又忍不住覺得好正...

延伸閱讀(其他影後感):

笨師拉
只要還有夢
Wordy
活在桃花島