行貨之家

發作

CAN | 04-Aug-09 | 官場風雲 | (30 Reads)

年紀大, 對轉變的適應能力急降.

今天, 在未經老闆同意之下, 我把電郵發了出街. 其實只是個約人開會的電郵罷了, 一向我們都是這樣做的, 約好之後才報告, 甚至cc個電郵給老闆就算.

當然, 今時唔同往日.

同事立即就收到老闆的電話大興問罪, 他支吾過去, 再打電話給我, 勸我最好小心一點.

不過, 我其實是故意的, 我係咁架啦, 炒我呀笨!

低能.

留言(0) | 引用(0)

乃野

CAN | 25-Jul-09 | 官場風雲 | (66 Reads)

近日工作方面忽然間出現人事大變動, 直至上月底出了最新的組織圖, 我們幾個同事才發現, 在無聲無息之間, 我們遭連降兩級, 成為某某人的下屬.

某某人, 姑且稱之為穿山甲, 是個很煩的人. 本來河水不犯井水, 你煩你事, 唔關我事. 現在忽然間變了我的上司. 媽的, 之前我還經常兇佢, 家陣叫現眼報.

幸好穿山甲只是煩, 倒不是個小人, 否則我早性命不保了. 不過每次跟穿山甲交手, 總是要吵架收場, 因為他實在煩, 老是執著(在我眼中)芝麻綠豆的小事來反覆提問, 而我, 就最怕煩.

今天, 因為我擅自更改了大老闆批改完的文件, 被穿山甲咬了一口. 挑! 有幾碧刁呀家陣? 佢老闆的文件無前無後無厘頭, 人地點知你想點呀? 於是我加了一段文字去解釋該文件的用途, that is, 然後就比人刁. 係, 我明白正苦辦事係有程序要跟, 我就是很討厭這他媽的無聊程序, 放個屁都要攞approval, 像一件廢物似的. 我不大想做廢物, 但我又想出糧, 唉~

無野, 都係呻下姐. 工作, 還是要做的......

留言(3) | 引用(0)

懷念

CAN | 23-Jul-09 | 心情札記 | (56 Reads)

當生活太刻板無聊的時候, 會想念後生時那段唱k飲酒煲煙瘟仔想死的日子.

旁人看來那段日子真是荒謬兼白痴. 其實, 自己回看也非常覺得. 只是, 沒有這種經歷和體會, 到年紀老大時, 又該拿甚麼跟女兒分享呢?

沒有當年的我, 又哪會造就今日的我.

健康穩定的人生, 乏味的很, 悶得要死, 但又無路可逃, 無處可去. 最慘是, 有得去都唔去, 貪生怕死, 因為有個囡等我返屋企.

唯有在blog吹幾句算了罷.

留言(4) | 引用(0)

香港腦殘特別多

CAN | 17-Jul-09 | 維園阿嬸 | (79 Reads)

近日很hit的吉百利朱古力廣告, 內容講兩個老土裝扮細路用眉跳勁舞. 有人讚有創意, 有趣; 有人彈唔知做乜. 其實兩者都沒有所謂, 廣告就是這樣, 不能討好全世界的人.

廣告在世界各地都有播, 反應不一, 但大部份都是正面的. 只有在香港, 竟然有20名腦殘人士投訴此廣告 (消息來自今日蘋果日報).

隔牆有耳：戚眉廣告有人唔順超

老牌吉百利（ Cadbury）朱古力近年銳意刷新形象刺激銷量，今年初推出全新電視廣告 Eyebrows，呢個廣告今個月初登陸香港，相信好多人睇過。新廣告簡而清，冇對白，僅得一對小朋友跟住電子錶節拍戚眉戚眼跳「眼眉舞」，喺外國出街後頻頻攞獎， YouTube點擊率逾 400萬次，不過有香港人卻睇唔順眼，竟然有 20人向影視及娛樂事務管理處投訴，批評教壞細路。

據知戚眉廣告月初播出後，最少有 20個市民向影視處舉報，不滿廣告教壞細路，擔心小朋友會有樣學樣擠眉弄眼，有失斯文；有個港大碩士生批評廣告令人睇到好唔舒服，指摘廣告公司唔應該搵小朋友做表演工具。

無綫亦證實外事部熱線收到三個電話投訴，無綫強調所有廣告出街前，都要經內部檢定小組審核，符合條例冇違規先會播出。根據程序，影視處接投訴後會要求播放廣告嘅電視台提供資料，若有涉嫌違反廣播條例，會交廣播事務管理局審議，暫時唔知有乜結果。

香港的腦殘投訴文化, 真係膠到無朋友. 幸好我不是做廣告/創作的工作, 否則可能一早激死.

留言(2) | 引用(0)

鞋和龍蝦

CAN | 09-Jul-09 | 日常無聊 | (70 Reads)

近年都喜歡穿褲子上班, 原因是方便. 家中備有數條黑色褲, 早上隨便取件上衣, 褲子就攪掂, 完全不用思索. 襯褲子的鞋子也很舒服, 起初是黑色的像波鞋的款, 後來換了較為斯文的皮鞋, 可以健步如飛, 不錯不錯.

這幾天忽然覺得異常悶熱, 看著黑色褲子也不想穿上身. 結果隨手抓了一條裙子. 哈! 好爽啊~ 穿裙子真的舒服多呢~ 只是, 問題是, 襯裙子的鞋......家中只有黑色高跟鞋, 穿了半天, 腳被夾得紅腫了, 幾乎不能動彈. 結果拿了公司的舊鞋穿回家. 肉酸唔緊要, 行得就ok.

條氣唔順, 走到馬莎再買了一對半跟涼鞋. 這回應該ok了吧? 今天再穿了裙子回公司. 只是, 已受傷的腳更加痛了. 只是回公司一程路, 腳就痛得幾乎要標眼水.

承認吧! 多年的舒適鞋令你的腳長得越來越闊, 已經回不去穿高跟鞋的時光了!!!

真想哭啊....

ps: 今天早上坐地鐵上班, 看見走在前面的中年男子穿了一件黑底的polo shirt, 上面排滿了很多隻小小的波士頓龍蝦作為點綴. 我真的o咀......為甚麼要是龍蝦呢? 設計的人的腦袋短路了? 購買的人又是怎麼回事? 是為漁護處宣傳嗎? 還是那男人其實是個壽司師博, 對海產有著一種說不出的喜愛?

圖片來源: Smartdirect.cn